ငိုချင်မိသော ပွဲတစ်ပွဲ

(ဆရာကြီး လယ်တွင်းသားစောချစ် ရဲ့ ဟောပြောပွဲ မှာ ဆရာကြီးထံ က ကြားနာလိုက်ရတဲ့ ခံစားချက် ကို မျှဝေချင်လို့ပါ )

ကျွန်တော်တို့ စာရေးဆရာ ဆိုတာ ဘာကိုမှ မျှော်ကိုးပြီး ဟောပြောပွဲ လက်ခံတာ မဟုတ်ရပါဘူး ။ လာပြီး ဖိတ်တဲ့အချိန် မှာ ပြက္ခဒိန် မှာ ရေးမှတ်ထားတာ ကို လှမ်းကြည့်ပြီး လွတ်ရင် လက်ခံလိုက်တာပါဘဲ ။ ဘာနဲ့လာကြို မှာတုန်း ၊ ဘယ်လိုသွားရမှာတုန်း ၊ ဘယ်လောက် ကန်တော့မှာတုန်း စသဖြင့် တစ်ခါ မှလည်း မမေးခဲ့ဘူးပါဘူး ။ တစ်ခါ မှလည်း မတွေးခဲ့ ဘူးပါဘူး ။ ငါတို့ ကို ဟောစေချင်လို့ တကူးတက လာဖိတ်တာ ဆိုပြီး ကိုယ်က ကျေနပ်နေရတာပါ ။

ရန်ကုန် က တချို့ဟောပြောပွဲတွေမှာ ပုဆိုးတကွင်း နဲ့ မိုးအလင်းဟောခဲ့ပါတယ်။

မကွေး မှာဟောတုန်းကတော့ ကတ်ကြေး လက်ဆောင်ရတယ်ခင်ဗျ ။ ကတ်ကြေး တစ်လက် နဲ့ နှစ်ချေးထွက် အောင် ဟောခဲ့ပါတယ် ။

ဟော- ဒိုက်ဦး မှာတော့တစ်မျိုး ။ ငါးချဉ်တစ်တွဲ နဲ့ ဖင်ပြဲအောင် ဟောခဲ့ရတာမျိုးလည်း ရှိပါတယ် ။

ပြည်တွင်း မှာသာမက ပြည်ပမှာလည်း ဟောခဲ့ရဘူးပါတယ် ။

ပွဲအမျိုးမျိုး ၊လူအထွေထွေ ဆိုသလို ကြုံခဲ့ဘူး တာမှာ မလေးရှား မှာ ဟောတုန်း က အတွေ့အကြုံ က တစ်မျိုးခင်ဗျ ။ နိုင်ငံရပ်ခြား မှာမို့ လူ လာမှ လာပါ့မလား လို့ စိုးရိမ်နေတာ ခန်းမကြီး ပြည့်လျှံသွားအောင် လာကြပါတယ် ။ လူများလွန်းလို့ ငါဟောတာကို စိတ်မှဝင်စားကြပါ့မလား လို့ စိုးရိမ်မိပေမယ့် စည်းကမ်းသေဝပ်စွာ နားထောင်ကြ မယ့်ပုံလည်းရှိတော့ ဟောဖို့ပြင်လိုက်ပါတယ် ။ တစ်ခွန်း ဟော လိုက်ကာ ရှိသေး ထွက်လာလိုက်တဲ့ ရီသံကြီး ၊ ကြက်သီးမွေးညင်း ထလောက်ပါရဲ့ ။

ဟောပြောတဲ့ လူ ဆိုတာ ကိုယ်ဟော တာ ကို ပရိသပ် က သဘောကျ မှ ကျပါ့မလား ၊ စိုးရိမ် စိတ်နဲ့ နေကြရတာ ။ အခုလို အားပေးလိုက်တော့ လူတောင် ကြောင် စီစီ နဲ့ ဖြစ်သွားပါတယ် ။
နောက်တစ်ခွန်း ပြောလိုက်တော့လည်း ရီလိုက်ကြတာ တဝါးဝါးနဲ့ ။ ကြာတော့ ချွေးစီးတွေ စို့လာပါတယ် ။ သူတို့ က အားရပါးရ တဝါးဝါး ရီလေ ၊ ဒီက ဟောတဲ့ကောင် က ငိုချင်လေ ဘာဆက်ဟောရမှန်း မသိအောင် ဖြစ်လာပါ တော့တယ် ။ မျက်ရည်တွေတောင် စို့လာပါတော့တယ် ။


အော်….. သူတို့ခဗျာ………လွမ်းနေကြတာ ။ လွမ်း…..နေလိုက်ကြတာ ..။ မြန်မာ့ အငွေ့အသက် ကို လွမ်းဆွတ် တမ်းတ နေကြတာ ။သူတို့ရဲ့ နေ့စဉ်လှုပ်ရှား ရုန်းကန်နေတဲ့ နိုင်ငံရပ်ခြား တိုင်းတပါး ရဲ့ နေရာဒေသ ကနေ မြန်မာ့ အငွေ့ ၊ မြန်မာ့ အတွေ့ ကို လွမ်းနေလိုက် ကြတာ ။ ကျွန်တော်ပြော မှ မဟုတ် ၊ ဘယ်သူပဲပြောပြော မြန်မာ ကို လွမ်းတဲ့စိတ် နဲ့ အားပေးကြမှာပါဘဲ ။
သူတို့ရဲ့ခံစားချက် ကို ကြည့်ပြီး စင်ပေါ်ကနေ ငိုတောင် ငိုချင်လာမိပါရဲ့။



( ၂၄-၁၀-၂၀၀၉ နေ့က ငါးလုပ်ငန်း အဖွဲ့ချုပ် မှာ ဟောပြောခဲ့တဲ့ ဆရာကြီး လယ်တွင်းသား စောချစ် ရဲ့ “ အောင်စိတ် နဲ့ ထူးချွန်စွာ အောင်မြင်တဲ့နည်း ” ဟောပြောပွဲရဲ့ ပထမဆုံး နိဒါန်းပိုင်းကလေး ကို စိတ်ထဲမှာ မှတ်မိသမျှ ပြန်ချရေးကြည့်ထားတာ ဖြစ်ပါတယ် ။ ဆရာကြီး ရဲ့ စကားလုံးအတိုင်း အတိအကျ မဟုတ်ပါ ။ နိုင်ငံရပ်ခြား မှာလည်း စာပေ ဟောပြောပွဲ တွေ ကို စီစဉ်ပေးနေသူများ ကို လေးစားဂုဏ်ပြုတဲ့ စိတ်ခံစားချက်ကလေး ခံစားမိလို့ ချရေး မိဖြစ်တာ ဖြစ်ပါတယ် )

ASEAN STATISTICAL YEAR BOOK 2008

ကိုးချင်သူ၊ ကားချင်သူ အဲ..အဲ..ကိုးကားချင်သူတွေ အတွက်ပါ။


http://www.mediafire.com/?dczmqd15nyc

အဟီး….တိုက်မိမှာစိုးလို့

ဒီလထုတ် ဂန္ဓာရီ မဂ္ဂဇင်း ထဲက ဆရာ အီကွေတာ ရဲ့ လက်ရာ ကာတွန်းလေးပါ။
ကြိုက်လို့ စုထားလိုက်ပါတယ်။

( အန်ကောဝပ် ဆိုင်ရာ )ကိန်းဂဏန်းများ နှင့် စကားပြောကြည့်ခြင်း

၁-ဒေါ်လာ-စီရမ်မြို့တွင်း ဆိုင်ကယ်ကယ်ရီ ဟိုနားဒီနား တခါစီးခ

၁.၅-ဒေါ်လာ- ဈေးဟောင်း မှ ပိုးပ၀ါ ၁၀ ထည်ယူကတထည်ကျသင့်ငွေ

၂-ဒေါ်လာ- စီရမ်မြို့တွင်း Tuk Tuk ဟိုနားဒီနား တခါစီးခ

၎-ဒေါ်လာ- နိုင်ငံတကာသို့ ခေါ်ယူနိုင်သော Sim Card တန်ဘိုးကျသင့်ငွေ

၇-ဒေါ်လာ- စီရမ်မြို့လေဆိပ် မှ ဘယ်နေရာသွားသွား ဆလွန်းကားတက်စီဈေးနှုန်း

၁၂-ဒေါ်လာ- အဲယားကွန်း၊ ရေပူရှာဝါ၊တီဗွီ ၊မီနီဘား ၊လေဆိပ်အကြို အပါ တည်ခိုခန်းခ (မနက်စာမပါ)

၁၂-ဒေါ်လာ- Buffet Dinner with Traditional dances ( ဟိုတယ် အကြို-အပို့ အပါအ၀င်)

၁၅-ဒေါ်လာ- စီရမ်မြို့တွင်း Tuk Tuk နေကုန်ငှားရမ်းခ ( ၄ ယောက်အထိစီးနိုင်)

၁၅-ဒေါ်လာ-မီတာ ၂၀၀ အမြင့်အထိ တက်ပေးသော ဘောလုံးခရီးစဉ်ခ

၂၀-ဒေါ်လာ- Temple Pass တရက်စာ ဈေးနှုန်း

၂၅-ဒေါ်လာ- Tour Guide တဦး တရက်စာ ငှားရမ်းခ

၂၅-ဒေါ်လာ- Siem Reap Airport tax (per person )

၃၀-ဒေါ်လာ- စီရမ်မြို့တွင်း တက်စီဆလွန်းကား နေကုန်ငှားရမ်းခ ( ၄ ယောက်အထိစီးနိုင်)

၄၀-ဒေါ်လာ- Temple Pass သုံးရက်စာ ဈေးနှုန်း


Tourism

2,125,465-ဦးရေ- ၂၀၀၈ ခုနှစ်အတွင်း ကမ္ဘောဒီးယား နိုင်ငံသို့လာရောက်သော နိုင်ငံခြားသား အရေအတွက်

668,504-ဦးရေ- ၂၀၀၈ ခုနှစ်အတွင်း Siem Reap မြို့သို့လေကြောင်းဖြင့်လာရောက်သော နိုင်ငံခြားသား အရေအတွက်
်
260,000-ဦးရေ- ၂၀၀၈ ခုနှစ်အတွင်း မြန်မာ နိုင်ငံသို့လာရောက်သော နိုင်ငံခြားသား အရေအတွက်

1,595- Million US$ - ၂၀၀၈ ခုနှစ်အတွင်း ကမ္ဘောဒီးယား နိုင်ငံ၏ Tourism မှ ရသောဝင်ငွေ

165 - Million US$ - ၂၀၀၈ ခုနှစ်အတွင်း မြန်မာ နိုင်ငံ၏ Tourism မှ ရသောဝင်ငွေ




ကိုးကား


- အန်ကောဝပ် ခရီးစဉ်
- Tourism statistical report 2008 – Kingdom Of Cambodia – Ministry Of Tourism
- 2009 XINHUA NEWS AGENCY

အန်ကောဝပ် ခရီးစဉ် အတွက် အကြံပြုချက်များ

ဘုရားကျောင်းတွေ သွားရင် လ သုံးလုံးဆောင်ဗျ။ လိုးရှင်းလိမ်းသွားဗျာ ၊ လက်ရှည်ဝတ် ၊ လို တာပဲ သယ်ယူသွားဗျ။



၁။ ခရီးစဉ် ဘယ်နှစ်ရက် သွားသင့်တယ် ။ ဘယ်တွေ လည်ပါတ် သင့်တယ် ဆိုတာကတော့ ကိုယ် ရဲ့အချိန်ရမှု နဲ့ ဘာတွေကို စိတ်ဝ်စားတာလဲ ဆိုတဲ့ စိတ်ဝင် စားမှု အပေါ် မူတည်တာပေါ့ ။ ၁ ပါတ် သွားလည်း ကြည့်မယ်ဆို ကြည့် မကုန်ပါဘူး ။ သူများတွေ ရဲ့ ခရီးစဉ်ကို မူတည်ပြီး ဖြည့်သင့် ၊ ဖြုတ်သင့်ပါတယ် ။ စက်တင်ဘာ ၊အောက်တိုဘာ သွားဖို့ စဉ်း စားရင် အချိန် ပိုယူပါ ။ မိုး က အစိုးမရပါဘူး ။


၂။ သူတို့ရာသီချိန် က အောက်တိုဘာလ ကနေ ဧပြီ လအထိ ပါ။ ကျန်တဲ့လတွေ သွားသူတွေက ပရိုမိုးရှင်းတွေ ၊ Discount တွေ ၊ လူရှင်းတာတွေ စတဲ့ အကျိုးကျေးဇူးတွေ ရရှိမှာ ဖြစ်ပေမယ့် မိုးရွာလို့ ကသိကအောက် ဖြစ်နိုင်ပါတယ် ။


၃။ Sunset ကို စပါယ်ရှယ် ကြည့်ချင်သူတွေ အတွက် မတ် ၊ဧပြီ လ က အကောင်းဆုံး လို့ ပြောသဗျ ။


၎။ တည်းခိုခန်း နဲ့ ဟိုတယ် အတွက် ကတော့ ကိုယ့်ဘတ်ဂျက် နဲ့ ကိုယ့်ရဲ့ရရှိလိုမှုအပေါ် အခြေခံပြီး စုံစမ်းကြည့်ပါ။ ဒါပေမယ့် Aircon နဲ့ Wifi in room ရနိုင်ရင်တော့ ကောင်းမယ်ဗျ ။ Wifi ရရင် အဆက်အသွယ် မပြတ်ဖူး ပေါ့ ။ ပန်ကာ ဘဲရှိတဲ့ တည်းခိုခန်း တွေတော့ မရွေးသင့်ဘူး ။ ဈေးချိုပေမယ့် ခြင် ကိုက်လို့ အော်နေရမယ်ဗျို့ ။ ဘယ်လိုဘဲ ဖြစ်ဖြစ် ခြင် မကိုက်အောင် လိမ်းတဲ့ လိမ်းဆေး လေးတော့ ဆောင်သွားပါ။



၅။ စုံစမ်းပြီး ကြိုတင် Reservation လုပ်တာဆိုရင် ၁ ရက်ပဲ လုပ်ကြည့်ပါလား ။ တက်သာဆုတ်သာ တာပေါ့ ။ ဟိုတယ် ၁၀၀ ကျော် နဲ့ တည်းခိုခန်း ၁၄၀ ကျော် ရှိတာပဲ ။ မကြိုက်တော့ ပြောင်းလို့ရတာပေါ့ ။( ဥပမာဗျာ… ဟိုတယ် က အကုန် အိုကေ ပါတယ်ဆိုဦးတော့ ။ဘုန်းကြီးကျောင်း နဲ့ နီးရင် နေကုန် လော်စပီကာကြီး နဲ့ အဖွင့် ခံရတာမျိုး ကြုံရနိုင်လို့ပါ)



၆။ ဘုရားကျောင်းတွေ သွားရင် လ သုံးလုံးဆောင်ဗျ။ လိုးရှင်းလိမ်းသွားဗျာ ၊ လက်ရှည်ဝတ် ၊ လို တာပဲသယ်ယူသွားဗျ။ အဲ ဖိနပ် ကတော့ ပေါ့ပေါ့ပါးပါး ကောင်းတယ် ။ ကျွန်တော်တော့ ဖိနပ်ချွတ်ရတဲ့နေရာ မတွေ့မိခဲ့ဘူး ။ ဦးထုတ် နဲ့ နေကာ မျက်မှန် ဆောင်သွားရင် ကောင်းတာပေါ့ ။



ရ။ ချွေတာနိုင်တဲ့ အသုံးစရိတ်တွေ ချွေတာပြီး Tour Guide ကိုတော့ ငှားစေချင်တယ် ။ တရက် ဖြစ်ဖြစ်ပေါ့ ။ နောက်တခါ လာဘို့ထက် တခါ တည်း နဲ့ ပြည့်ပြည့်စုံစုံ သိရရင် အကောင်းဆုံးပဲ ။


ဂ။ မြေပုံစာရွက်လေး ဆောင်သွားပါ ။ တစ်ချို့ အလကားဝေတဲ့စာအုပ် တွေက ကြော်ငြာ တွေ နဲ့ ရှုတ်ပွနေတယ် ။ ဘုရားကျောင်းတွေ မှာ က အညွှန်းဆိုင်းဘုတ် အလွယ်မတွေ့ရတော့ ဓါတ်ပုံတွေတော့ ရိုက်ပါရဲ့။ ဘယ်မှာ ရိုက်မိမှန်း မမှတ်မိနိုင်တာမျိုး ကြုံရနိုင် တယ် ။


၉။ Temples Pass က တရက် ဒေါ်လာ ၂၀ ပေမယ့် ၃ ရက်စာ ဆို ဒေါ်လာ ၄၀ ပဲ ကျတယ် ။ တန်အောင် ဆိုပြီး ၃ ရက်လုံး မနက်က ညနေ နေကုန် ဘုရားကျောင်း တွေ ချည့်သွားရင် လူ အရမ်းပင်ပန်းသွားမယ်နော် ။ ရက်ရှည်ဆိုရင် မနက် temples သွားပြီးရင် ညနေပိုင်း Non Temples Activities တွေ လုပ်သင့်တယ် ။ Non Temples Activities တွေ ထဲမှာလည်း ကိုယ့်ဘတ်ဂျက် နဲ့ ကိုယ်စိတ်ဝင်စားတာကို ရွေးဘို့ အများကြီး ရှိပါတယ် ။

ပြတိုက် က ဈေးကြီးသဗျ ။ Tonle Sap Lake တို့ Floating Village တို့ ဆိုတာတွေ က ပိုက်ဆံ အပိုအများကြီး မကုန်ရင်တော့ သွားပေါ့ဗျာ ။ Killing Field တို့ War Museum တို့ ကတော့ စိတ်ဝင်စားရင် သွားသင့်တာပေါ့ ။ ပိုးထည်ရက်တဲ့ရွာ (Silk Farm )ဆိုတာကတော့ Free အပြင် မိနစ် ၂၀ လောက် သွားရင် ရောက် တာ မို့ အချိန်ပေးနိုင်ရင် သွားကြည့်သင့်တယ် ။


လက်ဆောင်ပေးဘို့ ပိုးထည် (အစစ် လို့ မဆိုလိုပါ) ဆိုရင် Old Market မှာ ၀ယ်ပါ။


၁၀။ အုန်းနို့နဲ့ချက်တဲ့ ခမာဟင်းတွေ လျှော့စားဗျို့ ။



ကျေးဇူးစကား


အန်ကောဝပ် ခရီးစဉ် နဲ့ ပါတ်သက်ပြီး စိတ်ဝင်တစားလာရောက်ဖတ်ရှု သူတွေ ၊ အကြံ့ပုသူတွေ ၊အားပေးသူတွေ အားလုံး ကို ကျေးဇူးတင်ပါတယ်။အထူးသဖြင့် ကျွန်တော့ရဲ့ ရှေ့ကအန်ကောဝပ် အကြောင်း ကို မျှဝေပေးခဲ့တဲ့ အောက်ပါ ဘလော့ဂါ နှစ်ဦး ကို အထူးကျေးဇူးတင်ပါတယ် ။


၁။ အရှင် ဦးကောဝိဒ ရဲ့ ခရီးသွားမှတ်တမ်းများ

၂။ ကို သက်ပိုင်သူ ရဲ့ အန်ကောဝပ် ပို့များ

အန်ကောဝပ် ခရီးစဉ် (ဒုတိယနေ့ )

၁။ မနက် ၅း၀၀ ထိုးတော့ အပြင်ထွက်ချောင်းတော့ မိုးရွာနေသေးတာ နဲ့ အခန်းထဲ မှာ ကော်ဖီဖျော်သောက်ပြီး ပြန်နှပ် နေမိ ပါတယ်။ ရး၀၀ လောက် မှာ မိုးတိတ်သွားနဲ့ ရည်ရွယ်ချက်မဲ့ ထွက်လာပါတယ် ။ လမ်းမှာ TukTuk တစီး ကို နံနက် တပိုင်းစာ ၆ ဒေါ်လာနဲ့ ငှားလိုက်ပါတယ် ။

ဘယ်သွားဖို့ ဖြစ်ဖြစ် စောနေသေးတော့ ဒရိုင်ဘာ က မိုးပျံ ဘောလုံးသွား စီးပါလား တဲ့ ။ ဘတ်ဂျက် ထိ မှာ စိုးပေ မယ့် တခါစီး ၁၅ ဒေါ်လာ ဆိုတာကစိတ်ဝင်စားစေပါတယ် ။ ပုဂံ ကို အခေါက် ခေါက် ရောက်ပေမယ့် မိုးပျံဘောလုံး အနား မကပ်နိုင်ခဲ့ပါဘူး ။

တခါစီး ဒေါ်လာ ၃၀၀ လောက် ဆိုတာနဲ့ အဝေးက မော့ ကြည့်ရုံ ကလေးဘဲ တတ်နိုင်ခဲ့တာပါ ။ အဲဒါကို တွေးမိလိုက်တော့ “ ငါဟဲ့ ယောင်္ကျား-အကောင်းစားကွ” လို့ ရေရွတ်ပြီး “ ဂိုး” လို့လက်ညိုး ထိုးပြလိုက်ပါတယ် ။




အန်ကောဝပ်ဘုရားကျောင်းပုံ ပါတဲ့ ဘောလုံးကြီး


ဒါပေမယ့် ခု မိုးပျံဘောလုံးက ကြိုးသေ ပါ ။ ပုဂံ က အဝေးကြီးအထိ ရွေ့သွားလျှောက်ကြည့် လို့ရပြီး မြစ်ထဲ တနေရာ မှာ ပြန်ပြီး ဆင်းရတာ မျိုးပါ ။ မတူပါဘူး ။ ဒီမှာ အရင်က ဟယ်လီကော်ပတာ နဲ့ လိုက်ပြတဲ့ ခရီးစဉ်တောင် ရှိတယ် တဲ့ ။ ခု ဘောလုံး ကွင်း ရဲ့ဘေး ကပ်ရက် မှာပါ ။ ရောက်ပြီး ၁၀ မိနစ်လောက် ပဲ စောင့်ရပါတယ် ။ ဂငယ် စုံတွဲ၂ ယောက် နဲ့ ကျွန်တော် စုစု ပေါင်း ၃ ယောက် ထဲနဲ့ ၂၀၀ မီတာ အမြင့် တက်ပေးပါတယ် ။




နေထွက်ပြီး နေနဲ့ ဆန့်ကျင်ဘက် မြင်ရတဲ့ အန်ကောဝပ်ဘုရားကျောင်း


အပေါ်ရောက်တော့လွဲတဲ့အခါလည်း လွဲပေမပေါ့ လို့ ဦးရှံစားကာတွန်းထဲကလို ရေရွတ်မိပါတယ် ။ ဘောလုံး စခန်း က ဘယ်လို ဆိုတာ ကြိုမသိခဲ့ဘူး ။ မနက်က လည်း မိုး ရွာလို့ နေထွက်ပြီး မှ တည်ခိုခန်း က ထွက်လာ ဖြစ်တာ လည်း ပါတယ် ။ နေ ကို ဆန့်ကျင်ဘက် နောက်ခံ ပြီး အန်ကောဝပ် ကို ကြည့်ရတဲ့ မြင်ကွင်းဟာ ဘယ်လိုမှ ခံစားလို့ မရပါ ။ နေထွက်စ အချိန် ဆို လှနိုင်ပါတယ် ။ ညနေ ဆိုလည်း လှနိုင်ပါတယ် ။

ဒါနဲ့ တဖက် မှာ မြင်နေရတဲ့ လေယဉ်ကွင်း ကိုဘဲ ဓါတ်ပုံ ရိုက်ရပါတော့တယ် ။




Siem Reap Airport ပြေးလမ်း မှာ မြင်နေရတဲ့ Air Asia လေယာဉ်


၂။ အပြန် မှာ နံနက်စာ စားဖို့ Butterflies Garden Restaurant ကို မောင်းခိုင်းလိုက်ပါတယ် ။ ဒရိုင်ဘာ က မသိပါဘူး ။ ကိုယ်ကလည်း နက်ထဲက ရှာဖတ်ပြီး လူလည် လုပ်နေတာ ၊ လိပ်စာတော့ ဘယ်သိလိမ့်မလဲ ။ ဒါပေမယ့် ဗမာ့နည်း ဗမာ့ဟန် နဲ့ ဆိုင်ကယ် ကယ်ရီဂိတ် မှာ ရပ်ခိုင်းပြီး စုံစမ်းလိုက်တာ နေရာ သိရပါတယ် ။
သူ့ဆိုင်က ထူးခြားတာက ဆိုင်ဝင်း ကို ပိုက်နဲ့ မိုးကာထားပြီး လိပ်ပြာတွေ မျိုးစုံ လွှတ်ကာ လိပ်ပြာဥယျဉ်လေး လို လုပ်ပေး ထားတာပါ ။ ဒီလောက် နဲ့တော့ အရမ်းမထူးသေးဘူး ။

မိဘမဲ့ကလေးတွေ ကို လုပ်အားခပေးပြီး လိပ်ပြာ ဖဖ်းခိုင်းပါတယ် ။ ပြီး နေ့ခင်း ၁၁း၀၀ နာရီ မှ လိပ်ပြာလွှတ်ပွဲကျင်းပပေးတယ် ။ ဒါက တော့ သူတတ်နိုင်တဲ့ အပိုင်းကနေ မိဘမဲ့ကလေးတွေ လှူတဲ့ပုံစံမျိုး ဖြစ်သွားပြီ ။ ပြီး လိပ်ပြာ နဲ့ပါတ်သက်တဲ့ စာအုပ်တွေ ၊ အမှတ်တရ ရုပ်ကြွင်းတွေ ၊ လိပ်ပြာဖဖ်းတဲ့ nets တွေ စသဖြင့် အရောင်းပြခန်းလေး ရှိပါတယ် ။လိပ်ပြာတွေ ၀ဲနေတဲ့အောက် မှာ နံနက်စာ စားရတာ ဖီလင်ပဲ။








ဘယ်သူမှ မလုပ်သေးတဲ့ Innovative Idea မျိုး ကို ကျွန်တော်စိတ်ဝင်စားတယ် ။ ပုဂံတို့ ပုပ္ပား တို့ မှာ ဒီလို ဆိုင်မျိုး ဖွင့် ရင် သေချာပေါက် ရောင်းရမယ်ဗျ ။ ဒီနေ့ နံနက်စာ ကို တော့ ၃ဒေါ်လာခွဲလောက် သုံးလိုက် ရပါတယ် ။





နာနတ်သီးဘိန်းမုန့် နဲ့ ပျားရည် ၊ ကော်ဖီနှပ်အိုး ပါတယ်။

၃။ နောက်တနေရာ သွားချင်ပေမယ့် အချိန် သိပ်မရှိတော့လို့ မသွားဖြစ်ခဲ့ပါဘူး ။ The Singing Tree Cafe ဆိုတဲ့နေရာ ။ သူက လည်း သစ်ပင်ကြီးတပင် ကို မှီဖွင့်ထားတဲ့နေရာ မှာ ဆိုင်ဖွင့်ထားတာ ။ သူ့ဆိုင် မှာ ထူးခြားတာက နိုင်ငံခြား သား တွေ ကို ဗုဒ္ဓဘာသာ ဘုန်းတော်ကြီးတွေက တရားဟောတယ် ။ အချိန်ပိုင်း တရားထိုင် ခိုင်းတယ် ။ ဘယ်အချိန် က ဘယ် အ ချိန် ။ ရက်အလိုက်ပေါ့ ။ အခမဲ့ ပါ ။ နိုင်ငံခြားသားတွေ စိတ်ဝင်စားကြတော့ သူ့ဆိုင်လည်း လူဝင်တာပဲ ။



မိုးရွာထားပြီးကာစ မို့လား မသိပါဘူး ။ စီရမ်ရိ မြို့ကြီးဟာ ကောင်းကင်ပြာပြာ တွေ နဲ့ လှနေပါတယ် ။



စီရမ်ရိ မြို့တွင်းတနေရာ




ဒါက သူတို့ဆီ က ဆီဆိုင်ပါ ။



၎။ ၉း၀၀ နာရီလောက် မှာ Old Market ကောင်းကောင်း ဖွင့်ပြီ ဆိုတော့ ချီတက်ရတာပေါ့ ။



ဈေးဟောင်းက ဆိုင်တွေ
( အပြင်ဘက်တန်းက ဆိုင်တွေ ထက်စာရင် အတွင်းပိုင်းက ဆိုင်တွေ က ဈေးဝယ်လို့ ပိုကောင်းသဗျ)
ပိုးပ၀ါလေးတွေ နဲ့ အိမ်အပြန် မျက်နှာလုပ်ဘို့ ပေါ့ ။ တထည် ၂၂ ဒေါ်လာဆိုတာမျိုး ဘယ်ဝယ်ပါ့မလဲ ။ ဒီပိုးပုဝါ မျိုးစုံ မှာလည်း Cambodia Silk စတဲ့ တံဆိပ်ကလေး ပါတော့ လက်ဆောင်ပေးလည်း လှတာပါဘဲ ။



မြင်နေရတဲ့ ပိုးပ၀ါ အပုံအခေါက်တွေ ထဲက ကြိုက်တာရွေး ၁၀ ထည် ကို ၁၅ ဒေါ်လာ နဲ့ ၀ယ်လိုက်တယ် ။ ကုန်ချင်ကုန် ခန်းချင် ခန်း ။ လှစမ်းဟဲ့ အိမ်အပြန် မျက်နှာပန်း ပေါ့ ။

အခုဖြန့်ပြနေတဲ့ အိပ်ရာဖုံး က ၁၈ ဒေါ်လာ တဲ့ ။ ကျွန်တော် က ၈ ဒေါ်လာ ရရင် ၂ထည် ယူမယ် လို့ ဈေးဆစ်လိုက်တာ ရပါလေရော ။ တော်တဲ့ လူများ………….. ဈေးဆစ်ပုံ ပြောပါတယ် ။
( ဒါနဲ့ အံ တကြိတ်ကြိတ်နဲ့ အလေးခံပြီး သယ်လာရ ။ အိမ်လည်း ရောက်တော့ မဟေသီ က ဒီလောက် တန်တာ ၂ ထည်ဘဲ ၀ယ်လာရသလား ဆိုကာ မျက်စောင်းကလေးထိုးတော့ နောက်တခေါက် ပြန်ပြေးဝယ်ချင်စိတ် ပေါက်သွား မိပါကြောင်း ။)


ရွှင်လန်းချမ်းမြေ့ကြပါစေ

စီရမ်ရိ နဲ့ ကမ္ဘောဒီးယား

ကျွန်တော်တို့ အရှေ့တောင်အာရှသားတွေ ထဲ မှာ မြန်မာ ၊ ထိုင်း ၊လာအို ၊ ကမ္ဘောဒီယား တို့ဟာ စကားသာ မပြော ရင် ၊၀တ်စားပုံ အတူတူ ဆိုရင် ခွဲခြားသိဘို့ ခက်ပါတယ် ။ ဒီနေရာ မှာ ကျွန်တော့အမြင်လေးတခု မျှဝေချင် ပါတယ် ။ ကျွန်တော်တို့ နိုင်ငံကလွဲရင် အခြားနိုင်ငံ တိုင်းလိုလို ဟာ အနောက်တိုင်း ၀တ်စုံ ကို ၀တ်ဆင်နေကြပါပြီ ။

ပြန်ကြည့် လိုက်တော့ သူတို့ရိုးရာဝတ်စုံ ဆိုတာတွေ က လက်ရှိအခြေအနေ နဲ့ သဟဇာတ မဖြစ်တော့လို့ပါ ။ ထိုင်း ၊ ကမ္ဘောဒီးယား တို့ ရဲ့ ရိုးရာဝတ်စုံ ဆိုတာတွေ ပြန်ကြည့် ကြည့်ပါ ။ အောက်ပိုင်းဝတ်စုံက ခါးတောင်းကျိုက်လိုလို ဟာတွေ ဖြစ်နေပါတယ် ။ ကျွန်တော် တို့ မြန်မာတွေ က ရိုးရာဝတ်စုံ တောင်ရှည်ပုဆိုး ကို ခေတ်နဲ့လျှော်ညီအောင် ပြောင်းပြီး ပုဆိုးအဖြစ် ပြောင်းခဲ့ ကြ တယ် ။

အခြားနိုင်ငံ က ၀တ်ရခက်တဲ့ အတွန့်တွေ ၊အတက်တွေ ပါတဲ့ အင်္ကျီတွေ ကို ပြောင်းပြီး ၀တ်နေရချိန် မှာ မြန်မာ တွေက တိုက်ပုံ လို့ခေါ်တဲ့ အပေါ်အကျီ ကို အဆင်ပြေပြေ ၀တ်နိုင်နေကြတယ် ။ ဒါကြောင့် အရှေ့တောင်အာရှ မှာ ရိုးရာဝတ်စုံ ကို အများစုဝတ်နေကြတာ ကျွန်တော်တို့ မြန်မာနိုင်ငံ ဖြစ်ပါတယ် ။


၁။ ကမ္ဘောဒီယား နိုင်ငံ ရဲ့ ၉၀%ကျော် ဟာ ဗုဒ္ဓဘာသာဝင်တွေ ဖြစ်ပါတယ် ။ ကျွန်တော်တို့ ကို ဘာလူမျိုးလဲ ဆိုတာ သူတို့ မှန်းလို့ မရကြပါဘူး ။ ဒါပေမယ့် မြန်မာ လို့ ပြောလိုက်ရင် အရမ်းဝမ်းသာအားရ ဖြစ်သွား တာကတော့ သူတို့နိုင်ငံသား တိုင်းပါ ။ ဘာလို့လဲ အစ ကနားမလည်မိပေမယ့် နဲနဲပြောကြည့်လိုက်တာနဲ့ ထိုင်း နဲ့ ဗီယက်နမ်ကြားမှာ ညှပ်မိနေတဲ့ သူတို့နိုင်ငံ ဟာ ထိုင်း နဲ့ ဗီယက်နမ် ကို ရင်ထဲက မုန်းတီးနေကြတာ ကို ရင်ဖွင့်ကြပါလိမ့်မယ်။ ဗုဒ္ဓဘာသာဝင်အများစု ရှိတာခြင်းလည်းတူ ၊ ထိုင်း နဲ့ ရှေးကတည်းက စစ်ဖြစ်ခဲ့ကြတာ ခြင်းလည်း တူ တာမို့ မိတ်ဆွေကောင်း ကို တွေ့ရသလို ဆက်ဆံ ကြတာ လို့ ထင်ပါတယ်။


၂။ ဗီယက်နမ် နဲ့ ဖြစ်ခဲ့တဲ့စစ် ၊ ထိုင်းနဲ့ ရှေးကတည်းက ဖြစ်လာခဲ့တဲ့စစ် ၊ ဟိုတလောလေးဆီ က ထိုင်းနယ် စပ် မှာဖြစ်ခဲ့တဲ့ ဘုရား ကျောင်း အရေးအခင်း၊ စသဖြင့် အကြောင်းတွေကြောင့် မျိုးချစ်စိတ်တရားတွေ ထကြွနေပုံ ရပါတယ် ။ အန်ကော ဘုရားကျောင်းတွေ ရဲ့ပျက်စီးမှု ရဲ့ ၈၀%လောက် ရဲ့ တရားခံဟာ ထိုင်း တွေပါ လို့ ဂိုက် ကပြောတော့ ကျွန်တော် အံ့သြ ပေ မယ့် ဘာမှပြန်မပြောမိဘူး ။ ထိုင်း တွေ နဲ့ ဆက်နွယ်မှု ကို အန်းကောဘုရားကျောင်း တွေ တည်ရှိရာ SIEM REAP စီရမ်ရိ မြို့ ရဲ့ အဓိပ္ပါယ် ကို က 'Defeat of Siam' ကို ဆိုလိုပါတယ် လို့ ၀ီကီ မှာတွေ့ထားဖူးလို့ပါ ။


Siem Reap ရဲ့ အဓိပ္ပါယ်


Siem ဆိုတာ က ရှေးက ထိုင်းလူမျိုး တို့ ကို ခေါ်တဲ့ အခေါ်ပါ ။ Reap ရဲ့ အဓိပ္ပါယ် က တော့ ခမာစာ မှာ အဓိပ္ပါယ် အမျိုးမျိုး ကွဲပြားနေတာ ကို တွေ့ရပါလိမ့်မယ် ။

Reap ရဲ့ အဓိပ္ပါယ် ကို
တချို့က 'to leave/departure'. leveled out; lying flat on the ground; calm and peaceful

တချို့က flatten(killed/destroy)

တချို့က Raap က လာတာမို့ plains ……စသဖြင့် အမျိုးမျိုး ကြံဆ ကြပေမယ့်

'Defeat of Siam' ဆိုတဲ့ အဓိပ္ပါယ် က အထင်ရှားဆုံးပါ ။




၃။သမိုင်းကြောင်း နဲနဲပြန်ဖတ်ကြည့်တဲ့အခါ ခေတ် အပိုင်းအခြားတွေ ကို ဒီလိုခွဲတာတွေ့ရပါတယ် ။

Pre-Angkor Era (before 802 A.D.)

Birth of Angkor (802 - 834 A.D.)

Angkor Era I (834 -1000 A.D.)

Angkor Era II (1001 - 1181 A.D.)

Angkor Era III (1181 - 1309 A.D.)

Angkor Era IV (1309 - 1431 A.D.)

Post Angkor Era (1431 - 2000)


အန်ကောခေတ် ရဲ့ နေ၀င်ချိန် အစ ဟာ 1389 အေဒီ မှာ ထိုင်းတွေ က ၀င်ရောက်တိုက်ခိုက် သိမ်းပိုက်ခဲ့ရာ မှ စ ပါ တယ် ။ 1431 မှာ ထိုင်းတွေ သိမ်းပိုက်ခဲ့ချိန် လောက်မှာ နေပြည်တော် ကို ဖနွမ်းပင် ကို ပြောင်းခဲ့ပါတယ် ။ အဲဒီအချိန် ကစပြီး ထိုင်းလက်အောက် ရောက်သွားလိုက်တာ ပြင်သစ်တွေက ထိုင်းလက်ထဲ က ရယူလိုက်တဲ့ 1863 အေဒီ အထိပါ ။


ပြင်သစ် ကိုလိုနီလက်အောက်ခံ -( 1863 -1953 အေဒီ )

ဘုရင်စနစ် -(1955 – 1970 အေဒီ )

ပြည်တွင်းစစ် -(1970 – 1975 အေဒီ )

ခမာနီ ခေတ် -(1975 – 1979 အေဒီ )

PRK -(1979 – 1993 အေဒီ )

လက်ရှိခေတ် -(1993- )


၎။ထိုင်းတွေ ရဲ့ လက်အောက်ခံ ဘ၀ မှာ အန်ကောဘုရားကျောင်း တွေ ဟာ အများကြီး ပျက်စီးခဲ့ရတယ် လို့ ဆိုပါ တယ် ။ ပြင်သစ်တွေ သိမ်းပိုက်ရယူခဲ့တဲ့ အထိ အန်ကောဘုရားကျောင်းတွေ ဟာ အပျက်အစီး ဘ၀ နဲ့ တောတွင်း နက်နက် ကြီးထဲ မှာ ကွယ်ပျောက်တိမ်မြုတ်နေခဲ့ပါတော့တယ် ။အစဉ်အဆက် ဒဏ္ဍာရီလိုလို ပြောဆိုလက် ဆင့်ကမ်း ခဲ့ကြတာ ကတော့ တောအုပ်နက်နက်ကြီး ရဲ့ အလယ် မှာ နတ်တွေတည်တဲ့ မြို့ကြီးတမြို့ ရှိတယ် ဆိုတာ လောက်ပါဘဲ ။

1861 မှာ Henri Mouhot ဆိုတဲ့ ပြင်သစ် ရုက္ခဗေဒ ပညာရှင် က တောတွင်း က အန်ကောဘုရားကျောင်း ကို ပြန်တွေ့ခဲ့ပါတယ် ။ ဒါပေမယ့်လည်း ဆက်တိုက်ဖြစ်နေခဲတဲ့ ပြည်တွင်းစစ်တွေ ကြောင့် 1991လောက်အထိ လူသူ အရောက်အပေါက် နည်းခပါတယ်။ နောက်ပိုင်း ယူနက်စကို က၀င်ပြီး ပြုပြင်ထိန်းသိမ်းစောင့်ရှောက်မှု တွေ ၊အကူအညီ တွေ ရှိလာခဲ့တဲ့အခါမှ တိမ်မြုတ်ပျောက်ကွယ်နေတဲ့ မြို့ အဖြစ် ကမ္ဘာ ကသိရှိလာကြတာ ဖြစ်ပါတယ်။

အန်ကောဝပ် ခရီးစဉ် (ညနေပိုင်း)

၁။ အန်ကောဝပ် ကျောင်းက ပြန်ထွက်လာတော့ ညနေ ၅း၀၀ နာရီလောက်ရှိပါပြီ ။ အစီအစဉ်အရတော့ တောင်ပေါ် တက် ပြီး Sunset ကို အရသာခံကြည့်ဖို့ ဖြစ်ပါတယ် ။ ဒါပေမယ့် စောစောက ဓါတ်ပုံရိုက် လို့ကောင်းအောင် လှပနေခဲ့တဲ့ ကောင်းကင် ဟာ မဲမှောင်လို့ လာခဲ့ပါတယ် ။လမ်းရောက်တော့ မိုးရွာချပါ လေရော ။ တနေကုန်သဘောကောင်းပြီး မိုးမရွာ တာ ကိုပဲ ကျေးဇူးတင်ရမှာပါ ။


၂။ ဒါနဲ့ အစီအစဉ် ပြောင်းလိုက်ရပါတယ် ။ ညစာလည်း စားဖို့နေရာရွေးရမှာဆိုတော့ “ Angkor Mondial Restaurant” ကို သွားဖြစ်ပါတယ် ။ Buffet Dinner with Traditional Dance ပါ ။ နိုင်ငံခြားသားတွေ ခန်းမအပြည့်နီးပါး လာကြတာ တွေ့ရပါတယ် ။ လူတစ်ဦး ၁၂ ဒေါ်လာ ပါ ။





Apsara အက



ခမာရိုးရာ ငါးဖဖ်းရွာဓလေ့အက

၃။ တရက်လောက်ကြိုပြီး စင်ရှေ့တည့်တည့်စားပွဲ နေရာ ကို Reserve လုပ်ရင် ပိုပြီးကောင်းကောင်း ကြည့်ရ မယ် ။ မကြိုက်တာ တခုပဲ ။ ဘူဖေးခ ပေးထားပြီးသားဗျာ ၊ ခဏခဏ လာပြီး (ပိုက်ဆံပေးမှာရမယ့် ) အအေး၊ ယမကာ ဘာသုံး ဆောင်မလဲ မေးတာ ကြာ တော့ ရှက်လာတယ် ။ အလကားပေးတဲ့ သောက်ရေ မရဘူး လားမေး တော့ ဘူဖေး ကောင်တာ မှာတင်ထားတဲ့ သောက်ရေ ဂျားကြီး လက်ညိုးထိုးပြတယ်ဗျ ။ အိုကေ ပေါ့ ။ ဟီး ။



၎။ သူတို့ရိုးရာ အက ဆိုတာ ကိုယ့်ရိုးရာ အက ထက် ဘာမှ ပိုမသာပါဘူးဗျာ ။ ကိုယ့်ရဲ့ ပုဂံ အက ၊ကျောက်ဆည် ဆင်အက ၊ အရုပ်ရုပ်သေး ၊ လူ ရုပ်သေး ၊ ရာမယန ၊ ရှမ်းအိုးစည် ၊ ဦးရွှေရိုး ဒေါ်မိုး အက …စသဖြင့် ခေါင်းထဲအစီအရီ ပေါ်လာပါတယ်။ သူတို့က ဘာအားသာတာလဲ ဆိုတော့ ဘုရားကျောင်းနံရံ က APSARA အကမယ် တွေ ကို လူသိအောင် လုပ်ပြလိုက် တယ် ။ ဂန္တ၀င် တွင်အောင် လုပ်ပေးလိုက်တယ် ။ ပြီးမှ ကမ္ဘောဒီးယား ရောက်ရင် APSARA အက ကြည့်ကို ကြည့်မှ ဆိုတဲ့ အတွေးမျိုး ဧည့်သည်စိတ်ထဲ သွင်းပေးလိုက်တာပါ ။




ပွဲအပြီး မှာ စင်ပေါ်တက်ပြီး အမှတ်တရ ဓါတ်ပုံရိုက်တဲ့ အစီအစဉ် ကို တိုးရစ်တွေ သဘောကျကြတယ်။


၅။ အပြန်မှာတော့ တယောက်တည်း လမ်းလျှောက်ပြန်လာခဲ့ပါတယ် ။ မနက်က ငှားတဲ့ TukTuk က စောင့်နေ ပေမယ့် ညအလှ တွေ ကြည့်ချင်တာနဲ့ ဟိုငေး ၊ဒီငေး လျှောက်ကြည့်တာပေါ့ ။ မြေပုံပါတယ် ၊ တည်းခိုခန်း ဖုံးနံပါတ် ပါတယ်၊ ဖုန်းပါတယ် ။ ပြီးတော့ ဒီနိုင်ငံ က လူတွေက နွေးထွေးပါတယ် ။





ညဘက် မီးထွန်းထားတဲ့ ဟိုတယ် တွေ အလှ က ပိုမိုက်တယ်ဗျ ။




နောက်တခေါက်လာရင်တော့ ဒီလိုဟိုတယ်ကြီးတွေ မှာ….အဟား ။ စိတ်ကူးကြည့်တာပါ ။

MBA Basics